炒iPhone 6s機必睇！iPhone 6s 無香港 iReserve？ Apple Online Store 搏唔 Cut 單

iPhone 6s 將於 9 月 25 日開賣，9 月 12 接受預訂，但呢個日期係指 Apple Online Store（AOS）訂機，然後用速遞送去你手上。咁預約落門市取機嘅 iReserve 呢？小記搵勻 Apple Online Store 香港網頁，真係唔見有講 iReserve，但睇埋內地版 Apple Online Store 網頁，竟然有提及「通过 Apple Store 零售店预约购买」（佢本身係簡體字呀），唔通香港買家真係無得用 iReserve 落門市拎機？ 內地 Apple Online Store 寫 iPhone 6s 嘅購買方式是咁的：「Apple Store 预购和零售店在线预约购买开始： 2015 年 9 月 12 日 下午 3 点 01 分后」，即係內地用家除咗可以響 Apple Online Store 訂之外，仲可以用 iReserve 方式，用自己嘅個人資料，去內地自選 Apple Retail Store 買機。 但 iReserve 莫非係內地尊享？皆因小記睇晒首賣國家、地區嘅 Apple Online Store，都無一個提及可以預約落門市拎貨喎。大家想買嘅話，睇黎係要好似 Apple Watch 咁，鬥入單搏唔 cut 單了。仲有一個重點，就係如果真係中國有 iReserve，而香港無，那麼中國區買家，就有機會以最快速度拎機！因為 iReserve 最早拎機時段，一般都在早上；相反經 AOS 訂機，還要待速遞人員送貨上門呢！
更多詳情: http://www.appletrade.net/iphone-6s-%e7%84%a1%e9%a6%99%e6%b8%af-ireserve%ef%bc%9f-%e7%82%92%e6%a9%9f%e5%bf%85%e7%9d%87%ef%bc%81apple-online-store-%e6%90%8f%e5%94%94-cut-%e5%96%ae/